Блоги зинда: СҲШ: раёсати даврӣ ба дасти Тоҷикистон гузашт

сентябр 13, 2013

Амнияти марзҳо пас аз хуруҷи Амрико аз Афғонистон ва вокуниш ба бӯҳрони давомдори Сурия дар садри дастури кори нишасти сарони СҲШ -- Созмони ҳамкориҳои Шанхай қарор дорад.

Нукоти асосӣ:

- Сарони кишварҳои СҲШ дар эъломияи ниҳоии ин нишаст вазъи Сурияро нигаронкунанда номиданд ва аммо ба мудохилаи беруна мухолифат карда, хостори ҳалли сиёсии бӯҳрон аз тарафи худи суриягиҳо шуданд.

- Раисиҷумҳури Қазоқистон Нурсултон Назарбоев гуфт, ки бояд кишварҳои Осиёи Марказӣ дар масъалаи истифодаи захираҳои оби минтақа ба ризоият даст ёбанд.

- Сарони кишварҳои узв дар СҲШ гузориши солонаи Дабири кулли он ва раҳбарияти Шӯрои зиддитеррористии созмонро тасдиқ ва нақшаи кори СҲШ-ро то сол 2017 тасвиб намуданд.

15:58 13.9.2013

Президенты Кыргызстана и России обсудят совместное строительство ГЭС http://t.co/sAQhCc6LOA
— Вечерний Бишкек (@vb_kg) September 13, 2013

15:56 13.9.2013

President of Iran Hassan Rouhani speaking at SCO summit in Bishkek during his 1st foreign trip as president pic.twitter.com/uA1kEtPMC5
— Abdujalil A (@abdujalil) September 13, 2013

15:10 13.9.2013

Раисиҷумҳури Қирғизистон, Алмосбек Атамбоев аз таҳаввулоти вазъ дар Афғонистон изҳори нигаронӣ кард. Вай гуфт, фаъолияти гуруҳҳои террористӣ ва тунндрав дар Афғонистон рӯ ба афзоиш дорад ва ин ба амнияти Осиёи Марказӣ таҳдид мекунад.

14:46 13.9.2013

Рӯзи 13-уми сентябр дар маҷлисгоҳи кохи давлатии "Ала-арча"-и Бишкек, пас аз аксгирии дастҷамъонаи ширкаткунандагони ҳамоиш мулоқоти ҳайатҳои кишварҳои узв ва нозир баргузор гашт.