Аз соли 2015 то соли 2017 дар дафтари Радиои Озодӣ дар Душанбе фаъолият дошт. Аз моҳи сентябри соли 2019 хабарнигор дар вилояти Суғд аст. Хатмкардаи бахши рӯзноманигории Донишгоҳи давлатии Хуҷанд. Дар гузашта хабарнигори телевизиони "Суғд" ва "Ҷаҳоноро" буд.
Бо гузашти беш аз як сол ҳанӯз сокинон ба гази табиӣ, ки ваъда шуда буд, аз Узбекистон ба вилояти Суғд интиқол меёбад, дастрасӣ пайдо накардаанд.
Мақомоти интизомии ноҳияи Мастчоҳ гуфтанд, ки корхонаи азимтарини коркарди пахта дар ин ноҳия қасдан оташ зада шудааст.
Додситонии шаҳри Хуҷанд соҳиби дукони фуруши мурғкабоб дар ин шаҳҳро барои риоя накардани қоидаҳои беҳдоштӣ, ки боис ба заҳролуд шудани сокинон шудааст, айбдор кард.
Дар пайи заҳролудшавии чанде аз сокинони вилояти Суғд ба дари як нуқтаи фуруши мурғкабоб дар шаҳри Хуҷанд муҳр задаанд.
Додгоҳи олии Тоҷикистон шикояти як сокини Зафарободро, ки бо гуноҳи қатли ҷавони ҳамсоя ва таҳдид ба ҷони модари ӯ ба 23 сол зиндон маҳкум шуда буд, бетағйир гузошт. Ҷамшед Ҷумъазода худро бегуноҳ мешуморад ва ҷониби ҷабрдида низ иддаои ӯро тасдиқ мекунад. Мақомот гуноҳи ӯро собитшуда медонанд.
Бино ба дастури Маркази беҳдоштии Раёсати тандурустии вилояти Суғд, аз ин ба баъд онҳое, ки гувоҳномаи эм (ваксина) надоранд, наметавонанд дар тӯю маъракаҳо иштирок кунанд.
Додгоҳи шаҳри Гулистон ҷавонеро, ки ба иддаои модараш "дар пайи шиканҷа дар боздоштгоҳ бемор шуда буд", бо гуноҳи қочоқи маводи мухаддир ба панҷ сол зиндон маҳкум кардааст. Модари ҷавон ба раҳоӣ ва ё ҳадди ақал муолиҷаи писараш даъват дорад. Мақомот шиканҷа шудани ӯро рад мекунанд.
Аскар Ҳаким, шоири халқии Тоҷикистон, олим, мунаққид, рӯзноманигор ва ҳам нафаре, ки солҳои зиёд ҳамчун мансабдори мақомҳои гуногуни давлатию ҷамъиятӣ шинохта мешавад, тирамоҳи имсол 75 сола шуд.
Ҳукми Ҷамшед Ҷумъазода охири тобистони имсол эълон шуда, нусхаи он чанде пеш дастраси Радиои Озодӣ гардид. Модари ҷавон ба раҳоӣ ва ё ҳадди ақал муолиҷаи писараш даъват дорад. Мақомот шиканҷа шудани ӯро рад мекунанд.
Баъди он ки, ба иддаои сокинони деҳаи Сомониёни Исфара, як омӯзгори 59-сола аз тарафи баъзе аз бошандагони деҳаи Куктоши Қирғизистон латукӯб шудааст, хонандагону муаллимон ба мактаб нарафтаанд.
Сокинони Исфара гуфтанд, ки як омӯзгори 59-сола аз деҳаи Сомониёни ҷамоати Чоркӯҳ дар наздикии марз бо Қирғизистон рабуда ва латукӯб шудааст ва ҳоло дар бемористон бистарист.
Чанде аз сокинони як деҳа дар ҷамоати Овчӣ-Қалъачаи ноҳияи Бобоҷон Ғафуров рӯзи 30-юми ноябр аз ҳузури зиёди низомиёни Қирғизистон дар атрофи хонаҳояшон ибрози нигаронӣ карданд. Ин деҳа бо ҷамоати Мақсади ноҳияи Лайлаки Қирғизистон ҳаммарз аст.
Сайрам Исоева, ҳунарпешаи мардумии Тоҷикистон, барои нақш офаридан ба камияш дар ду филми узбекӣ қарордод бастааст. Ӯ мегӯяд, созишҳои нав баъди гирифтани ҷоизаи "Дурдонаҳои Шоҳроҳи Абрешим" дар моҳи сентябри имсол дар Узбекистон ба даст омад. Ин ҷоиза бист ҳазор доллар арзиш дорад
Пас аз як ҳафтаи нашри хабар дар расонаи узбекии Kun.uz дар бораи мавридҳои тамаъҷӯӣ дар марз бо кишварҳои ҳамсояи Узбекистон, табибе, ки ҳамчун тамаъкор аз гузаргоҳи Фотеҳободи Тоҷикистон нишон дода шуда буд, розӣ шуд асли воқеаро ба Радиои Озодӣ шарҳ диҳад.
Додгоҳи вилояти Суғд пас аз нашри мақола дар сомонаи Радиои Озодӣ, ҳукми Абдукамол Аҳадов, маъюби гуруҳи якумро як сол кам кард.
Дар мактаби хусусии “Оксфорд”-и шаҳри Хуҷанд дар як интихобот барои ин мактаб аз ҳисоби хонандагон президент интихоб карданд.
Пас аз 10 соли саргардониҳо Салим Абдул Кимбунбунӣ, як шаҳрванди африқоитабори кишвари Танзания иҷозатномаи бозгашт ба ватанро дарёфт кард.
Ёфтҳои бештар
