1 МАЙ. Тоҷикистону Қирғизистон дар бораи оташбаси доимӣ ва пас бурдани нерӯҳо аз хатти марз созиш карданд
- Ҳарчанд ҳайатҳои Тоҷикистону Қирғизистон гуфтанд, ки барои оташбаси доимӣ ва берун бурдани нерӯҳо аз минтақаҳои наздисарҳадӣ ба созиш расидаанду "набояд ин фоҷиа такрор ёбад", вазъ дар сарҳад ҳамчунон "ҳассос" мемонад.
- 28-уми апрел дар марзи ду кишвар миёни сокинон баҳсу сангандозӣ шуд ва, сипас, ба муноқишаи мусаллаҳонаи ду ҷониб печид. Аз ҳарду тараф даҳҳо захмӣ ва кушта шудаанд.
- Мақомоти Тоҷикистон то ба ҳол омори захмиёну ҳалокшудагонро эълон накарданд. Радиои Озодӣ номи 15 қурбонии муноқишаро маълум кард. Вазорати тандурустии Қирғизистон мегӯяд, ки дар муноқишаҳои марзӣ 163 шаҳрванди он кишвар маҷруҳ шуда, 33 нафар ба ҳалокат расиданд.
- Тоҷикистону Қирғизистон 970 километр марз доранд ва то ин дам 519 километри онро таъину аломатгузорӣ кардаанд. Минтақаҳои боқимонда баҳсӣ ҳастанд ва сари чанд вақт сабаби ихтилофу муноқишаҳо мешаванд.
- 30 АПРЕЛ. Суҳбати раҳбарони Тоҷикистону Қирғизистон баъди як рӯзи муноқишаи хунин. Ҷабборов ба Душанбе даъват шуд
- 29 АПРЕЛ. "Хатми муноқиша ва баргардондани нерӯҳо". Музокироти ҳайатҳои Тоҷикистону Қирғизистон ба поён расид
