Бо гузашти панҷ рӯз мақомоти Тоҷикистон дар бораи хисороту вайрониҳои муноқиша дар марз бо Қирғизистон оморе нашр накарданд, вале хабарнигорон ба деҳаи Хоҷаи Аълову Сомониёни Исфара рафта, шоҳиди харобиву вайронии зиёде шуданд. Мақомоти Қирғизистон гуфтанд, ки дар натиҷаи даргириҳои рӯзҳои 28 ва 29-уми апрел 78 хона дар вилояти Ботканд осеб дидааст.
Хабарнигори бахши тоҷикии Радиои Озодӣ рӯзи 1 ва 2-юми май ба деҳаҳои Хоҷаи Аълову Сомониёни Исфара рафта, хонаву мошинҳои сӯхтаро дид. Манобеъ гуфтанд, ба иттилои муқаддамотӣ, дар ҷараёни муноқиша дар ин ду деҳаи ҷамоати Чоркӯҳ камаш 20 хонаву иншоот вайрон шудааст. Мақомоти расмӣ чизе нагуфтаанд.
Хоҷаи Аълову Сомониён пас аз муноқиша дар марз бо Қирғизистон
Мақомоти Тоҷикистон то ба ҳол дар бораи хисороту вайрониҳои муноқиша дар марз бо Қирғизистон оморе нашр накарданд, вале хабарнигорон ба деҳаи Хоҷаи Аълову Сомониёни Исфара рафта, шоҳиди харобиву вайронии зиёде шуданд. Манобеи расмӣ гуфтанд, ба иттилои муқаддамотӣ, дар ин деҳаҳои ҷамоати Чоркӯҳ камаш 20 хонаву иншоот вайрон шудаанд.
Хабарнигори бахши қирғизии Радиои Озодӣ рӯзи 2-юми май ба деҳаи Мақсати ноҳияи Лайлак рафта, хонаҳову иншооти иҷтимоии сӯхтаро дид. Ягона мактаби деҳа низ вайрон шудааст. Вазорати ҳолатҳои фавқулодаи Қирғизистон эълон кард, ки дар деҳаи Мақсат 11 хона осеб дидааст.
Деҳаи Мақсати Қирғизистон пас аз муноқишаи марзӣ
Дар натиҷаи муноқиша дар сарҳади Қирғизистону Тоҷикистон, ки рӯзи 28-уми апрел оғоз ёфта, 29 ва 30-юми апрел идома кард, даҳҳо бинои истиқомативу иншооти иҷтимоӣ дар ноҳияҳои Бодканду Лайлак тахриб шудаанд. Хабарнигорони бахши қирғизии Радиои Озодӣ рӯзи 2-юми май ба деҳаи Мақсати ноҳияи Лайлак рафта, хонаҳои сӯхтаро диданд. Ягона мактаби деҳа низ вайрон шудааст. Вазорати ҳолатҳои фавқулодаи Қирғизистон эълон кард, ки дар деҳаи Мақсат 11 хона осеб дидааст.
дар марз чӣ гузашт? муфассал дар ин ҷо хонед:
