Ин Вазорат дар хабарномае рӯзи 25-уми ноябр гуфтааст, ки дар қатли рӯҳонии яҳудӣ Азизбек Комиловичи 33-сола, Олимбой Тоҳирович ва Маҳмудҷон Абдураҳими 28-соларо гумонбар медонанд.

Ин ниҳод гуфтааст, ки ангезаи даст задани шаҳрвандони Узбекистон ба ин кушторро таҳқиқ доранд.

Хохом ё рӯҳонии яҳудӣ Тсви Коганро, ки аз соли 2020 дар Имороти Муттаҳидаи Арабӣ зиндагӣ мекард, рӯзи 21-уми ноябри имсол нопадид шуд ва баъдан ҷасадашро пайдо карданд.

Коган шаҳрвандии Исроил ва Молдоваро дошт.

Дафтари сарвазир ва Вазорати корҳои хориҷии Исроил дар паёми муштарак марги Коганро “амали даҳшатбори террористии зиддияҳудӣ” номиданд.

Онҳо қавл додаанд, ки Исроил барои ба ҷавобгарӣ кашондани гунаҳкорон, дар ҳар ҷое ҳастанд, тамоми василаҳоро ба кор хоҳад бурд.

Оҷонси амнияти миллии Исроил ба шаҳрвандони ин кишвар маслиҳат додааст, ки муваққатан ба Имороти Муттаҳидаи Арабӣ нараванд

Нашрияи фаронсавии Le Monde бо таяк ба манобеаш навиштааст, ки бо ба сари қудрат омадани Доналд Трамп дар Амрико кишварҳои аврупоӣ тарс доранд, ки шояд ИМА дигар ба Украина кумак накунад ва ин кишвар шикаст хӯрад.

Ин нашрияи навиштааст, ки мавзӯи фиристодани сарбозонро Бритониё ва Фаронса баҳс кардаанд.

Ба гуфтаи Le Monde, гап сари ташкили нерӯи муҳофизатии муттаҳидон дар Аврупо барои кӯмак ба Украина ба хотири амният дар ин кишварҳо меравад.

Мақомоти Русия гуфтаанд, ки аз ин мавзӯъ хабар надоранд.

Аз ин пеш, Эмануэл Макрон, президенти Фаронса мавзуи фиристодани сарбоз барои ҷанг бо Русияро матраҳ карда буд.

Мақомоти рус ҳушдор доданд, ки агар ин кор сурат бигирад, посухи сахте хоҳанд дод. Аз ҷумла, Владимир Путин, президенти Русия ошкору ниҳон кишварҳои аврупоиро аз силоҳи ҳастаӣ тарс медиҳад.

Бозиҳо бо иштироки шаш даста дар Маркази омӯзишӣ-таълимии «Новогорск» баргузор шуданд. Тибқи натиҷаи қуръакашӣ «Истиқлол» дар гурӯҳи «Б» бо футзалбозони Беларус ва мунтахаби ҷавонони Русия қувваозмоӣ кард.

«Истиқлол» дар бозии аввали худ дар «Ҷоми бози Аврупо» тими ҷавонони мунтахаби Русияро бо ҳисоби 8:6 мағлуб намуд. Сипас дар даври дуюми мусобиқа бар тими Беларус бо ҳисоби 4:0 пирӯз гардида, ба финал баромад.

Бозии ниҳоӣ, ки миёни «Истиқлол»-и Тоҷикистон ва мунтахаби миллии Русия доир гашт, бо натиҷаи 1:0 ба фоидаи мизбонон ба поён расид. Ҷои сеюм насиби мунтахаби Беларус шуд, ки дастаи Сербияро шикаст дод.

Пас аз анҷоми мусобиқа маросими супоридани ҷоизаҳо баргузор гардид. Бозигари «Истиқлол» Абдуқаюм Умаров беҳтарин ҳамлагари мусобиқа эътироф шуд.

Мусобиқаи байналмилалии «Ҷоми бози Аврупо»

Гурӯҳи «Б»

Даври 1-ум

«Истиқлол» (Тоҷикистон) - Мунтахаби ҷавонони Русия - 8:6

Голҳои «Истиқлол»: Рустам Ҳамидов-3, Некрӯз Идиев-2, Шавкат Ҳалимов, Раҳмоналӣ Шарипов, Ҳикмат Исмоилов.

22-юми ноябр. Химки. Маркази омӯзишӣ- таълимии «Новогорск».

Даври 2-юм

«Истиқлол» (Тоҷикистон) - Мунтахаби Беларус - 4:0

Голҳо: Рустам Ҳамидов, Некрӯз Идиев, Насратшо Исмоилов, Раҳмоналӣ Шарипов,

23-юми ноябр. Химки. Маркази омӯзишӣ- таълимии «Новогорск».

ФИНАЛ

«Истиқлол» (Тоҷикистон) - Мунтахаби Русия - 0:1

«Истиқлол» (Тоҷикистон): Фирӯз Бекмуродов, Самариддин Шамсов, Рустам Ҳамидов, Насратшо Исмоилов, Раҳмоналӣ Шарипов, Ҳикмат Исмоилов, Некрӯз Идиев, Абдукаюм Умаров, Шавкат Ҳалимов, Муҳаммад Шарипов.

24-юми ноябр. Химки. Маркази омӯзишӣ- таълимии «Новогорск».

Сомонаи раисҷумҳури Тоҷикистон рӯзи 24-уми ноябр навишт, ки номаи ҳамдардӣ дар иртибот ба ҳалокат ва ҷароҳат бардоштани шумораи зиёди шаҳрвандони Покистон аст.

Рӯзи 23-юми ноябр дар натиҷаи ҳамлаи террористӣ ба корвони мошинҳо дар Хайбар-Пахтунхоҳи Покистон наздики 40 нафар кушта шуданд.

"Мо ин амалкарди ваҳшиёнаи нерӯҳои ҷиноятпешаро қотеона маҳкум мекунем",- гуфтааст раисҷумҳури Тоҷикистон.

Эмомалӣ Раҳмон дар идома ба наздикони қурбониёни ҳамла ва тамоми мардуми Покистон изҳори ҳамдардӣ намуда, ба осебдидагон шифои комил хостааст.

Ба гузориши расонаҳои покистонӣ, дар пайи ин ҳамла 42 нафар кушта шуданд.

Гуфта мешавад, ҳамла замоне рух додааст, ки мусофирбарҳо зоирони шиъаро аз Парачинор ба Пешовар мебурданд.

Ба навиштаи сомонаи расмии қонунгузории Русия, муқаррароти фармон нисбат ба шахсоне, ки то 1-уми сентябри соли 2017 шаҳрвандии Русияро гирифтаанд, дахл надорад.

Савганд ёд кардан пеш аз гирифтани шаҳрвандӣ соли 2017 ҳатмӣ шуд, аммо муҳоҷирон метавонистанд давоми 12 моҳ ин корро анҷом диҳанд. Аммо соли 2023 ба қонунгузории он кишвар тағйирот ҷорӣ шуд, ки тибқи он, аввал бояд савганд хӯрд ва баъдан ҳуҷҷатро гирифт. Бо ин вуҷуд, бархе афрод шаҳрвандии Русияро бе савганд соҳиб шуданд.

Дафтари матбуоти Вазорати корҳои дохилии Русия мегӯяд, аз ин ба баъд, аз 23-юми ноябри соли 2024 афроде, ки шаҳрвандии Русия гирифтанд, вале савганд ёд накарданд, қарорҳои қабули онҳо ба шаҳрвандии Русия беэътибор дониста мешавад.

Баъди ҳамла ба хоки Украина, дар Русия қонуни гирифтани шаҳрвандӣ таҳрир шуд ва аз мардон талаб мешаванд, ки баробари ба даст гирифтани шиносномаи русӣ, ба қайди комиссариатҳои ҳарбӣ дароянд, то баъдан ба ҷанг сафарбар шаванд.

Бисёре аз талабгорони дарёфти шаҳрвандии Русияро ин дархост нигарон кардааст.

Аксар тоҷикистониҳое, ки дар фикри гирифтани шаҳрвандии Русия ҳастанд, инро як зарурати иқтисодӣ ва маишӣ меноманд, чун имкони кору фаъолияти қонунӣ ва бетатент дар Русия фароҳам мешавад.

Бисёри онҳо барои хидмат дар артиш ё сафарбарӣ ба ҷанг (мобилизатсия), ки аз соли 2022 давом дорад, омода нестанд.

Мулоқот рӯзи 23-юми ноябр дар шаҳри Бӯстони вилояти Суғд гузашт.

Тафсилот дастрас нест.

Дар хабари расмӣ танҳо гуфта шудааст, ки ба гурӯҳҳои кории Тоҷикистону Қирғизистон "ҷиҳати идомаи кор дар ин самт" дастур дода шуд.

Маълум нест, "қитъаҳои боқимонда" ё то ин дам ҳалношудаи марз кадоманд.

Тибқи хабарҳои охирини расмӣ, 94 дарсади хати сарҳади Тоҷикистон ва Қирғизистон муайян шудааст.

Ду кишвар тақрибан ҳазор километр хати марз доранд. Номуайянӣ дар солҳои 2021 ва 2022 сабаби муноқишаи хунин шуд ва аз ҳарду тараф даҳҳо куштаву захмӣ бар ҷой гузошт.

Абдулматин Қонеъ, сухангӯйи Вазорати корҳои дохилии "Толибон", ба хабаргузории "Франс-Пресс" гуфтааст, дар ин ҳодиса, ки рӯзи панҷшанбе, 20-уми ноябр, иттифоқ уфтод, 10 нафар кушта шуданд.

Бино ба гузоришҳо, ин афрод ҳангоме ки дар зиёратгоҳи Сайидподшоҳ Оғо саргарми ибодат буданд, ҳадафи тир қарор гирифтанд.

Намояндагии Созмони Милали Муттаҳид дар Афғонистон (UNAMA) рӯзи 23-юми ноябр ҳамларо маҳкум кард ва аз “Толибон” хост, ки ҳодисаро ҳамаҷониба таҳқиқ кунад.

Ричард Беннетт, гузоришгари вижаи Созмони Милал дар умури ҳуқуқи башари Афғонистон, дар шабакаи “X” (Твиттери собиқ) навишт, ки камшуморон ё ақаллиятҳои мазҳабӣ то ҳол зери таҳдиди ҷиддӣ ҳастанд. Вай афзуд, ҳамаи афғонистониҳо ҳақ доранд, ки дар сулҳу оромӣ ибодат кунанд.

Шохаи “Хуросон”-и ДОИШ пас аз бозгашти “Толибон” ба қудрат дар се соли охир масъулияти чанд ҳамлаи маргборро дар Афғонистон бар уҳда гирифт.

Мақомот гуфтанд, ӯ кушта шудааст.

Пулиси Иморот ва маъмурони иктишофии Исроил пештар фарзияи рабуда шудани ӯро баррасӣ доштанд.

Коган шаҳрвандии Исроил ва Молдоваро дошт.

Дафтари сарвазир ва Вазорати корҳои хориҷии Исроил дар паёми муштарак марги Коганро “амали даҳшатбори террористии зиддияҳудӣ” номиданд.

Онҳо қавл додаанд, ки Исроил барои ба ҷавобгарӣ кашондани гунаҳкорон, дар ҳар ҷое ҳастанд, тамоми василаҳоро ба кор хоҳад бурд.

Оҷонси амнияти миллии Исроил ба шаҳрвандони ин кишвар маслиҳат додааст, ки муваққатан ба Имороти Муттаҳидаи Арабӣ нараванд.

Украина дар моҳи августи соли 2024 ба вилояти Курск ворид шуда, тақрибан 1400 километри мураббаъ аз қаламрави Русияро зери назорат даровард.

Трамп ваъда додааст, ки бо оғози кораш дар Кохи Сафед дар моҳи январи соли 2025 ҷангро дар Украина хотима хоҳад дод.

Маскав агар сари вақт нерӯҳои украиниро берун накунад, он вақт маҷбур хоҳад шуд, ки заминҳои дар Украина ишғолкардаашро бо Курск иваз кунад.

Зеленский гуфт, Русия то имрӯз аз ҳама бештар дар Курск талафот додааст.

Дар ҳамин ҳол, як манбаи низомии украинӣ гуфтааст, Киев беш аз 40 дарсад замини гирифтаашро дар вилояти Курски Русия аз даст дод. "Ҳоло мо тақрибан 800 километри мураббаъро зери назорат дорем," – афзудааст ӯ.

Ҳодиса рӯзи 23-юми ноябр иттифоқ уфтод.

Вазорати тандурустии Лубнон хабар дод, ки 66 каси дигар маҷруҳ гаштанд.

Ин ҳол дар замоне пеш омад, ки фиристодаи вижаи Амрико барои созиш ба поён додани даргириҳои чандмоҳа миёни Исроил ва “Ҳизбуллоҳ”-и Лубнон ба минтақа рафта буд.

“Ҳизбуллоҳ” ҳам гурӯҳи ҷангҷӯст ва ҳам ҳизби сиёсӣ, ки дар порлумони Лубнон намоянда дорад ва ҷануби ин кишвар зери назораташ аст.

Ин гурӯҳ аз ҳимояти Эрон бархурдор аст, вале Амрико онро созмони террористӣ медонад. Иттиҳоди Аврупо танҳо шохаи низомии “Ҳизбуллоҳ”- ро ба рӯйхати сиёҳ ворид кардааст.

Шикояти Додситонии кулро дар Додгоҳи ноҳияи Синои шаҳри Душанбе баррасӣ мекунанд.

Дар Додгоҳи ноҳияи Сино рӯзи 22-юми ноябр ба Радиои Озодӣ гуфтанд, ки парвандаи Файзи Олӣ бар асоси моддаи 346, банди 3-и Кодекси ҷиноӣ, яъне "Дидаю дониста расонидани хабари бардурӯғ нисбат ба прокурор" баррасӣ мешавад.

Ин банди Кодекси ҷиноӣ аз панҷ то ҳафт сол ҷазо пешбинӣ кардааст. Намояндаи Додситонӣ аз додгоҳ хостааст, ки Файзи Олиро шаш сол зиндонӣ кунанд.

Файзи Олӣ, адвокати шинохта, рӯзи 22-юми ноябр шикояти Додситонии кулро беасос номид. Вакили мудофеъ гуфт, пас аз он нисбаташ ба додгоҳ шикоят шудааст, ки аз мавридҳои, ба қавли ӯ, фасодкории кормандони Додситонӣ ба Оҷонсии зидди фасод, Шӯрои амният ва дастгоҳи иҷроияи президент шикоят кард.

Додситонии кулли Тоҷикистон расман шикояташро шарҳ надодааст, вале Файзи Олӣ мегӯяд, ин ниҳод даст доштани кормандонашро дар фасод рад карда, аризаҳои ӯро "дурӯғ" номидааст. Ӯ гуфт, бе далел ариза нанавиштааст ва ҳозир аст, дар додгоҳи бетарафона онҳоро исбот кунад.

"Дар моҳи июл бидуни огоҳ сохтани ман парванда боз карда шудааст. Фақат баъд аз як моҳ маро огоҳ карданд. Дар мурофиаи навбатӣ ман сухани ҳимоятии худро ироа мекунам ва бо далел собит мекунам, ки дурӯғ нагуфтаам. Ман дар мурофиа ҳамчун ҳуқуқшинос аз худам дифоъ мекунам,"--гуфт Файзи Олӣ.

Мурофиаи додгоҳӣ бо шикояти Додситонии кул нисбат ба Файзи Олӣ ҳафтаи оянда идома хоҳад кард.

Файзи Олӣ дар шабкаҳои иҷтимоӣ низ фаъол буда, дар бораи кори мақомот шарҳҳо менависад.

Вячеслав Вишневский бо қарори додгоҳи ноҳиявии Томск озод шуд, чун дар як аз зиндонҳои ҳамин минтақа адои ҷазо мекард.

Аз миёни 15 маҳкумшуда барои сӯхтори пурқурбонии “Зимняя вишня” дар шаҳри Кемерово даҳ нафар пеш аз мӯҳлат озод шудаанд. Вишневскийро соли 2022 барои додани пора ба раҳбари Госстройнадзори минтақавӣ Танзила Комкова ба ҳангоми сохтмони маркази тиҷоратӣ гунаҳгор дониста ба ҳашт соли зиндон маҳкум карданд.

Тафтишот маълум кард, ки замони сохтмони ин марказ дар солҳои 2013-2014 Вишневский бар ивази 7 миллион рубл пора иҷозати сохтмони бесанҷишро ба даст оварда буд ва дар ин бино системаҳои зиддисӯхтор насб нашуд.

Танзила Комкова соли 2021 ба 18 соли зиндон маҳкум шуд. Сӯхтор дар маркази тиҷоратии “Зимняя вишня” 25 марти соли 2018 рух дод ва дар натиҷа, 60 нафар, аз ҷумла 37 кӯдак ҷон дода 147 нафар осеб дид. Аксар қурбониҳо ҳангоми сар задани сӯхтор дар дохили кинозали ин марказ банд монданд.

Ба иттилои Радиои Озодӣ, вақте дар маркази савдо сӯхтор сар зад, дастикам панҷ корманди тоҷикистонии “Зимняя вишня” барои наҷоти одамон ёрӣ расониданд.

Дар ин бора сомонаи хабаргузории “Ховар” ва саҳифаи Х-и сафорати ИМА дар Душанбе хабар додаанд.

Дейнс узви Кумитаи Сенати ИМА оид ба энергетика ва захираҳои табиӣ буда, дар як изҳороти ахираш аз пирӯзии Доналд Трамп дар интихоботи Амрико чун “роҳи дурусти интихобкардаи амрикоиҳо барои оянда” ситоиш кардааст.

Ба навиштаи сафорати Амрико, “дар мулоқоти пурмаҳсули сенатор Стив Дейнсу сафири ИМА Мануэл Миккаллер бо вазири корҳои хориҷии Тоҷикистон Сироҷиддин Муҳриддин онҳо роҳҳои амиқтар кардани ҳамкориҳо барои ҷалби тиҷорати амрикоӣ ба Тоҷикистонро баррасӣ карданд”.

Дар хабар таъкид шудааст, ки сафорати ИМА барои кӯмак дар эҷоди фазои беҳтари тиҷоратӣ дар Тоҷикистон ба хотири ҷалби сармояҳо аз ИМА ва дигар давлатҳои хориҷӣ мусоидат мекунад.

Ҷузъиёти аз ин беш нашр нашудааст.

Семен Григорев ба хабаргузории русии ТАСС гуфтааст, ки ҷашнҳо дар Майдони сурхи Маскав рӯзи 9 маи соли 2025 барпо мешаванд. Ӯ гуфтааст, Тоҷикистон соли оянда раҳбарии давраии созмони Иттиҳоди давлатҳои мустақилро ба ӯҳда хоҳад дошт ва мавзӯи ҷашнгирии иди ғалаба дар «сатҳи баланд» баррасӣ мешавад.

Президенти Русия Владимир Путин мавзӯи ғалаба бар фашизм дар ҷанги солҳои 1941-45-ро ба як масъалаи муҳими сиёсати дохилию хориҷиаш табдил дода, бештар нақши боризи Русияву сокинони ин кишварро барҷаста нишон додан мехоҳад.

Дар гузашта мақомот дар Тоҷикистон таъкид кардаанд, ки ғалаба дар Ҷанги дуюми ҷаҳон бо баҳои ҷонсупориҳои даҳҳо ҳазор сарбоз аз Тоҷикистон ва дигар ҷумҳуриҳои шӯравии собиқ ҳам ба даст омадааст.

Сухангӯи Кумитаи ҳолатҳои фавқулоддаи Тоҷикистон Умеда Юсуфӣ ба Радиои Озодӣ гуфт, рӯзи шанбе, 23 ноябр соати 13:33 дақиқа ба вақти маҳаллӣ дар қаламрави ҷумҳурӣ заминларза ба қайд гирифта шуд.

Маркази зилзила дар 266-километрии шимолу-шарқи шаҳри Душанбе дар сарҳад бо Қирғизистон ба қайд гирифта шудааст. Ба иттилои Юсуфӣ, зилзила дар 48-километри шимоли ноҳияи Лахш рух дода, дар марказ 5 балл ва ноҳияи Лахш 3 баллро ташкил додааст.

Тибқи маълумоти сардори бахши Кумитаи ҳолатҳои фавқулодда дар ноҳияи Лахш, ҳеҷ хисорот ё талафоти ҷонӣ ба қайд гирифта нашудааст.

Дабири кулли НАТО Марк Рутте рӯзи 22 ноябр дар шаҳри Палм-Бичи аёлати Флорида бо президенти мунтахаби ИМА Доналд Трамп дидору гуфтугӯ дошт.

Дар як изҳороти мухтасари ин паймони низомӣ рӯзи 23 ноябр сухангӯи ниҳод Фараҳ Дахлаллоҳ гуфт, “онҳо масоили зиёди амниятиеро баррасӣ карданд, ки паймон бо он рӯбарӯ мебошад”.

Айни замон, НАТО дархости шарҳи хабари матбуоти Нидерландиро нодида гирифт, ки навишт, Рутте, собиқ нахуствазири ин кишвар бо ҳавопаймои ҳукуматӣ ба Флорида парвоз кард.

Руттеро бисёриҳо беҳтарин раҳбари аврупоие меноманд, ки тавонист дар давраи раёсатҷумҳурии собиқи Трамп солҳои 2017-2021 бо ӯ робитаҳои хуби корӣ барқарор кунад.

Мақомот дар Исроил гуфтанд, ки муборизаи онҳо алайҳи гурӯҳи Ҳизбуллоҳи мавриди пуштибонии Эрон идома мекунад.

Ал-Манур, расонаи вобаста ба Ҳизбуллоҳ бо такя ба вазорати беҳдошт хабар дод, ки таркиш дар маҳаллаи Баста рух дод ва дар натиҷа дастикам чор нафар кушта ва 23 кас захмӣ шудааст.

Хабаргузории миллии Лубнон гуфт, ки шумори куштаву захмишудаҳо хеле зиёд аст ва дар натиҷаи ҳамла як бинои ҳаштошёна тахриб шудааст.

Телевизиони лубнонии Al-Jadeed чанд бинои тахрибшударо намоиш дод. Ҳафтаи ҷорӣ ин чорум ҳамлаи ҳавоии Исроил ба маркази Бейрут мебошад ва Исроил гуфтааст, ки муассисаҳои вобаста ба Ҳизбулллоҳро ҳадаф қарор медиҳад. Ҳизбуллоҳ, ки як гурӯҳи низомӣ ва сиёсӣ мебошанд, аксар манотиқи ҷануби Лубнонро назорат мекунад.

Иттиҳоди Аврупо бахши низомии Ҳизбуллоҳро террористӣ меномад, ИМА ҳарду бахши онро мамнӯъ ва террорристӣ эълон кардааст.

Мусоҳиба рӯзи 22-юми ноябр нашр шуд.

Ба қавли Песков, "дар пасманзари вазъи демографӣ ва барои рушди фаъоли ин кишвар, Русия ба муҳоҷирон эҳтиёҷ дорад". Вале ҳамзамон афзудааст, муҳоҷирон бояд дар Русия қонунӣ биистанд.

"Онҳое, ки ҳузурашон ғайриқонунӣ аст, як мушкил барои Русия мебошанд," -- гуфт ӯ ва илова кард, ки муҳоҷирати ғайриқонунӣ боис ба афзоиши ифротгароии динӣ ва нашъамандӣ мешавад.

Ин изҳорот дар ҳоле садо дод, ки баъди ҳамла ба толори “Крокус”, ҳамвора дар Думаи Давлатии Русия ва ҳукуматҳои маҳаллӣ қонуну қарорҳои зидди муҳоҷирони корӣ қабул мешаванд.

Дар баробари ин, бо ширкати матбуоти давлатӣ эҳсоси бегонаситезӣ нисбат ба муҳоҷирон афзуда, амалиёти полис алайҳи коргарони хориҷӣ торафт бераҳмонатар мешавад.

Президент Владимир Путин, ки барои пешбурди сиёсати бегонабадбинӣ дар кишвари бисёрмиллатаи Русия танқид мешавад, гуфтааст, ҳар муҳоҷир бояд забони русиро хуб донад.

Фишору таъқибҳои афзоянда ва гоҳе рафтори ғайриинсонӣ бо муҳоҷирон дар соли ҷорӣ сабаби он шуд, ки даҳҳо ҳазор муҳоҷир ихтиёрӣ ё бо қарори додгоҳ Русияро тарк карданд.

Барои Тоҷикистон, ки бекорӣ мушкили рақами яки мардумаш дониста мешавад, давоми даҳсолаҳо Русия макони асосии кору даромади хонаводаҳо дониста мешуд ва айни замон, Кремлин ҳам аз муҳоҷирон дар мавридҳои зиёд чун фишанги фишор болои Душанбе истифода кардааст.

Маросими тақдими ҷоиза рӯзи 21-уми ноябр дар шаҳри Ню-Йорк барпо шуд. Қурмашева, ки 288 рӯзашро дар як боздоштгоҳи Русия пуштисар кардааст, аз талошҳои Кумитаи дифоъ аз журналистон барои озодии ӯ сипосгузорӣ кард. “Журналистика ҷиноят нест”, гуфт ӯ ва таъкид намуд, ки айни замон беш аз 20 хабарнигор дар зиндонҳои Русия қарор доранд. Қурмашева гуфт, ки ҷоизаи худро ба ҳамкорони зиндонии дигараш, аз ҷумла Иҳар Лосик ва Андрей Кузнечук дар Беларус, Владислав Есипенко дар Қрим ва Фарид Меҳрализода дар Озарбойҷон мебахшад.

Ӯ гуфт: “Ҳамкорони ман фақат як бахши омор нестанд; мисли ман онҳо ҳам инсонҳое ҳастанд, ки оилаҳои худро доранд ва онҳоро ёд мекунанд ва дӯсташон медоранд. Дар зиндонҳои Русия даҳҳо журналисти дигар ҳам ҳаст ва онҳо бояд ҳама озод шаванд”.

Дар миёни дигар барандаҳои имсолаи ҷоизаи Кумитаи дифоъ аз журналистон – хабарнигори фаластинӣ Шуруқ ал-Айла, Кими де Леон аз Гватемала ва хабарнигори таҳқиқгар Самира Сабоҳ аз Нигерия мебошанд ва ҳамаи онҳо барои ҷасораташон дар муқобили таъқибҳои ҷиноӣ қадрдонӣ шуданд.

Қурмашева моҳи июни соли 2023 барои хабаргирии хонаводааш ба шаҳри Қазони Русия рафт, вале нахуст барои гузориш надодан дар бораи шиносномаи шаҳрванди Амрикояш муттаҳам дониста шуд. Ӯ пули ҷаримаро пардохт кард, аммо барояш иҷоза надоданд, ки кишварро тарк кунад. Октябри порсол ӯ барои худро ба ҳайси “агенти хориҷӣ” ба қайд нагузоштан ҳабс шуд. Ин иттиҳом дар Русия солҳои охир ба фаъолони маданӣ, хабарнигорон ва мунаққидони ҳукумат дода мешавад. Чанде баъд иттиҳоми “паҳн кардани хабари бардурӯғ дар бораи артиш”-ро ҳам ба парвандаи ӯ афзуданд ва гуфтанд, ин модда барои таҳрири китоби наве оид ба мухолифатҳо ба ҷанги идомаёбандаи Русия алайҳи Украина илова мешавад. РАО/РО ва ҳукумати ИМА иттиҳомҳои Алсу Қурмашеваро беасос номиданд.

Рӯзи 1 августи соли ҷорӣ дар натиҷаи як амалиёти азими табодули зиндониҳо бо иштироки ҳафт кишвар, ки 24 нафарро дар бар гирифт, аз ҷумла, Алсу Қурмашева, хабарнигори Wall Street Journal Эван Гершкович ва сиёсатмадори рус Владимир Кара-Мурза озод карда шуданд.

Дар ин бора рӯзи 23 ноябр хабаргузории Reuters бо такя ба чор манбаи огоҳ иттило додааст. Гренелл дар давраи аввали раёсатҷумҳурии Трамп солҳои 2017-2021 дар мақоми сафир дар Олмон, фиристодаи вижа дар музокираҳои Сербияву Косово ва ҳам иҷрокунандаи вазифаи раиси истхбороти миллӣ кор кардааст.

Манбаъҳо гуфтанд, дар сурати таъин шудани ӯ ба ин мақом, барои иҷрои нақшаи Трамп дар амри хатми ҷанг нақши калидӣ бозӣ хоҳад кард.

Феълан чунин мақоми фиристодаи Амрико барои хатми ҷанги Русияву Украина вуҷуд надорад ва Трамп, ки аз охири январи соли оянда сари кор меояд, мехоҳад чунин мақомеро эҷод кунад.

Гренелл тобистони соли 2024 гуфта буд, ки барои хатми ҷанг тарафдори эҷоди «минтақаҳои мухтор» мебошад. Ӯ инчунин гуфтааст, хостори ин нест, ки дар ояндаи наздик Украина узви НАТО шавад.

Ба навиштаи Associated Press, Макгрегор бояд ба зани ҷабрдида 250 ҳазор евро маблағ пардохт кунад.

Ин парванда дар як додгоҳи шаҳрвандӣ ё гражданӣ баррасӣ шудааст ва ба варзишгар ҳабс дар зиндон таҳдид намекунад. Пеш аз ин додситонии Ирландия гуфт, ки бо сабаби нокофӣ будани далел барои ҳукми айбдоркунӣ парвандаи ҷиноӣ боз намешавад.

Дар додгоҳи шаҳрвандии Ирландия имкони баррасии парванда бо далелҳои кам ҳам имконпазир аст.

Ин додгоҳ гуфт, ки декабри соли 2018 дар як утоқи пентҳауси меҳмонхонаи Beacon дар шаҳри Дублин Макгрегор ба номуси ӯ таҷовуз ва латукӯбаш кард. Далели ин амали варзишгарро санҷиши тиббӣ собит кардааст.

Худи Макгрегор ин иттиҳомотро рад карда гуфтааст, ки бо ин зан бо хоҳиши дуҷониба алоқаи ҷинсӣ доштааст.

Макгрегор гуфт, аз болои ин ҳукм ба додгоҳи зинаи болоӣ шикоят хоҳад кард. Варзишгар гуфтааст, ки додгоҳи ҳакамон далелҳои овардаи ӯро пурра ба инобат нагирифтанд.

Сабаби рад шудани дархости ӯ маълум нест ва вакили дифои вай Лабинот Вата ба Бахши Косовои Радиои Аврупои Озод гуфтааст, ки аз болои ин қарор шикоят хоҳад бурд.

Аз оғози моҳи ноябр Ситора Атомамадова пас аз дарёфти дастури ихроҷ аз Косово дар боздоштгоҳи хориҷиён дар Вранидолл, воқеъ дар наздикии пойтахти Косово, Приштина нигаҳдорӣ мешавад.

Қаблан, дархости ӯ барои гирифтани шаҳрвандӣ рад карда шуд ва иҷозаи иқоматаш дар Косово лағв гардид. Ситора аз болои ин қарорҳо шикоят ва дар баробари ин дархости паноҳандагӣ кардааст.

Сабабҳои ин тасмимҳои мақомоти Косово расман шарҳ дода нашудаанд, ҳарчанд расонаҳои маҳаллӣ рӯзи 5 ноябр аз эҳтимоли гумонбар шудани ӯ ба ҷосусӣ ба нафъи Русия хабар доданд. Ин маълумот низ расман тасдиқ нашудааст.

Ниҳодҳои Косово аз додани иттилоъ дар ин замина сарпечӣ карданд ва ҳамчунин дархости Бахши Косовои Радиои Аврупои Озодро барои мулоқот ва мусоҳиба бо Атомамадоваро рад намуданд.

Бахши тоҷикии Радиои Аврупои Озод/Радиои Озодӣ (RFE/RL), чанд рӯз пеш бо хонаводаи Атомамадова тамос гирифт ва онҳо тасдиқ карданд, ки ӯ муддати тӯлонӣ дар Косово ба сар мебарад.

Ҳатто вакили ӯ ба RFE/RL гуфтааст, ки зерҳимояаш аз соли 2001 дар Косово зиндагӣ мекунад.

Вай гуфт, тибқи иттилои зерҳимояаш, вай дар созмонҳои маъруфи маҳаллӣ ва байналмилалӣ ба ҳайси тарҷумон кор ва ё машғули кор будааст ва таҳсилро дар риштаи парастории тиббӣ хатм кардааст.

Дар миёни созмонҳои зикршуда Намояндагии Созмони Милали Муттаҳид дар Косово (UNMIK) ва миссияи посдори сулҳи НАТО (KFOR) ҳастанд.

UNMIK рӯзи 18-уми ноябр дар посух ба хабарнигори RFE/RL гуфтааст, тибқи маълумоте, ки онҳо доранд, “Ситора Атомамадова дар UNMIK кор накардааст”.

Аз сӯи дигар, KFOR рӯзи 19 ноябр ба RFE/RL гуфт, ки ин навъи маълумот (агар Атомамадова дар он ҷо кор карда бошад ҳам) "дар заминаи муқаррароти ҳифзи дахолатнопазирӣ ифшо намешавад".

Пештар Додситонии Косово дар суҳбат бо RFE/RL тасдиқ карданд, ки зидди Ситора Атомамадова ҳеч гуна парванда боз нашудааст. На Вазорати корҳои дохилии Косово ва на Полиси Косово дар бораи ин қазия маълумот надоданд.

Ситора Атомамадова соли 1972 дар шаҳри Хоруғ, маркази Вилояти Мухтори Кӯҳистони Бадахшон зода шуда, ба гуфтаи наздиконаш, хатмкардаи бахши забони инглисӣ, дар аввали соли 2000 аз Тоҷикистон рафт.

Лабинот Вата мегӯяд, Ситора донандаи чанд забон буда, дар Косово моликият дорад ва тайи солҳо бо ҷомеаи ин ҷо ҳамгироӣ пайдо кардааст. Ба гуфтаи вакилаш, баррасии қазияи Ситора Атомамадова мумкин аст, моҳҳо идома кунад.

Дар се соли охир 6 шаҳрванди Тоҷикистон аз кишварҳои гуногуни Аврупо ихроҷ ва истирдод шуда, ҳамаи онҳо дар Тоҷикистон маҳкум ба зиндон гаштаанд. Ихроҷу истирдод бахусус пас аз ҳамлаи террористӣ ба Крокус Ситӣ Ҳолл дар Маскав афзоиш ёфтааст, ки Русия шаҳрвандони Тоҷикистонро дар он гунаҳкор кард ва дар бораи ширкати тоҷикон дар ҳамалоти террористӣ дар Эрону Туркия ва омода кардани чунин ҳамлаҳо дар Олмон гузориш шудааст.

Ҷумҳурии Косово давлати нимаэътирофшудаи балканист, ки қаблан бахше аз Югославии собиқ буда, дар соли 2008 истиқлоли худро аз Сербия эълон кард. Ҳарчанд аксари кишварҳои узви СММ истиқлолияти онро эътироф кардаанд, Тоҷикистон дар як саф бо Русия ва аксари кишварҳои пасошӯравӣ ва ҳамчунин бархе аз давлати Аврупо онро ба расмият нашинохтаанд. Дар панҷ соли охир 550 нафар аз Косово ихроҷ карда шудаанд.

Расонаҳои Украина хабар доданд, ки ин тасмим пас аз он гирифта шуд, ки мақомот аз ҳамлаи эҳтимолии Русия ба наздикиҳои ин бино хабар ёфтанд.

Ҳоло вакилони порлумони Украина ба таври фосилавӣ кор мекунанд.

Ҷаласаи порлумони Украина пас аз он бекор шуд, ки рӯзи 21-уми ноябр Русия ба Днепр бо мушаки нави миёнапарвоз ҳамла кард.

Рӯзи 20-уми ноябр сафорати ИМА ва дигар сафоратҳои дигари кишварҳои аврупоӣ дарҳои худро баста буданд. Онҳо гуфтанд, ки дар ин рӯз кормандонашонро рухсат додаанд, то дар ҷои амн бошанд.

Ин нашрия хабарро бо такя ба манбаҳояш дар Хадамоти истихбороти кишварҳои Ғарбӣ чоп кардааст.

Украина шаби 19-уми ноябр бо мушаки дурпарвози ATACMS ба Курск ҳамла кард.

Қаблан гузориш нашр шуда буд, ки дар Курск 10 ҳазор низомии Кореяи Шимолӣ барои ҷанг бо низомиёни Украина ҳузур доранд.

Владимир Путин, президенти Русия рӯзи 21-уми ноябр гуфт, ки дар ҳамла ба Курск баъзе низомиён осеб дидаанд, вале тафсилоти бештар надод.

Ҳафтаи гузашта расонаҳо хабар доданд, ки Ҷо Байден, президенти ИМА ба Украина иҷоза додааст, ки ба мушакҳои дурпарвоз ба хоки Русия ҳамал кунад.

Русия таҳдид кард, ки ба ин “посухи сахт” хоҳад дод.

Ба иттилои хабаргузории "Азия-Плюс", агар то аввали моҳи ноябр гумруки Узбекистон аз ҳар тонна сементи Тоҷикистон 35 доллар боҷ мегирифт, пас ҳоло аз ҳар тонна 300 доллар талаб дорад.

Ин расона аз қавли манобеаш навиштааст, сабаби ин тасмими Узбекистон маълум нест.

Як ҳамсӯҳбати ин расона гуфтааст, зиёд кардани боҷи гумрукӣ эҳтимол бо машварати корхонаҳои истеҳсоли сементи Узбекистон анҷом шудааст.

Тоҷикистон яке аз интиқолдиҳандагони асосии семент ба Узбекистон мебошад.

Солҳои ахир дар Тоҷикистон асосан бо сармояи Чин чанд корхонаи бузурги тавлиди семент фаъол шуд, ҳарчанд нигарониҳо дар бораи зарари ин корхонаҳо ба муҳити зист ҷой дорад.