Раисҷумҳури Тоҷикистон рӯзи 27-уми март пешниҳод кард, ки барои истифодаи ба гуфтааш “ғайриқонунии нерӯи барқ” ва “напардохтани пули он” ҷавобгарии ҷиноӣ таъйин карда шавад. Ин пешниҳод вокунишҳои зиёдро дар шабакаҳои иҷтимоӣ ба миён овард. Хабарнигорони Радиои Озодӣ аз сокинон дар хиёбонҳои Душанбе пурсиданд, ки назарашон ба ин мавзуъ чист?
Баъзе аз посухҳо дар инҷо:
- "Ифтитоҳи парвандаи ҷиноӣ кори хуб нест. Барқро хомӯш кунӣ, пулро ёфта месупоранд."
- "Зиндагӣ дар давлатҳои мо бе ин ҳам мушкил аст. Агар ягон кас пул надорад, барқашро қатъ кунанд, кофӣ аст."
- "Мардум, ки нерӯи барқро истифода мебаранд, бояд саривақт ва аз пеши худ ҳаққи онро супоранд. Дар ҳар сурат, парвандаи ҷиноӣ накушоянд. Шояд шахс дар ҳамон вақт пул надорад. Каме муҳлат диҳанд."
- "Маблағи барқ пули давлат аст, бояд супорем."
- "Дар зиндагӣ ҳар ҳолат мешавад, гоҳ сабукӣ, гоҳ вазнинӣ. Ҳолате мешавад, ки дар дастам ҳамон маблағро надорам, нисфашро медиҳам, боқимондаро баъдан месупорам. Яъне ба шаҳрвандон бояд фурсат дода шавад."
- "Шояд надорад, ҳамонро ҳам фаҳмидан даркор. Зиндагӣ мушкил, кор нест. Пештар Русия рафта меомаданд, ҳозир онҷо ҳам вазъият хуб нест."
Видеоро дар инҷо бинед:
