Гумонбаршудаҳои қатли Парвиз Давлатбеков ба гуноҳи худ қисман иқрор шуданд. Мурофиаи ин куштор субҳи имрӯз дар Додгоҳи шаҳри Душанбе оғоз шуд. Парвиз Давлатбекови 24-сола, ки либоси Бобои барфӣ ба тан дошт, шаби соли нав дар Душанбе кушта шуд. Тафтишот 8 нафар, бо шумули як ноболиғро ба даст доштан дар ин куштор айбдор мекунад, вале то имрӯз танҳо 4 тани онҳо боздошт шудаанд. Се нафар танҳо ба авбошӣ, вале Беҳрӯз Шарипови ноболиғ ба қатли Парвиз Давлатбеков муттаҳам мешавад.
