Аз соли 2015 хабарнигори Радиои Озодӣ дар минтақаи Кӯлоб. Рӯзноманигориро соли 2009, замони донишҷӯйӣ, оғоз кардааст. Хабарнигори нашрияи мустақили "Пажвок" ва намояндаи ҳафтаномаи "Фараж" дар Кӯлоб буд.
Ҷасади Ботир Эргашев, сарбози Нерӯҳои марзбонии КДАМ-ро, ки дар як қисми низомӣ дар ноҳияи Шамсиддини Шоҳин хидмат мекард, дар зодгоҳаш - деҳаи Деҳмойи ноҳияи Ҷаббор Расулов - дафн карданд, аммо суолу тахминҳо дар бораи марги ӯ боқист. Вай 20-сола буд.
Сокинон дар деҳаи дурдасти Ҳайбарчашмаи ноҳияи Балҷувон соҳиби об шуданд. То ин замон онҳо маҷбур буданд, ки аз фосилаи ду километр об кашонанд. Ин вазъ пеш аз ҳама бонувонро хурсанд кардааст, ки кори сахти обкашӣ аксаран бар дӯши онҳо буд.
Дар ноҳияи Ҳамадонии вилояти Хатлон фаъолияти 26 коргоҳи хурди пахтатозакунӣ қатъ шудааст. Мақомот мегӯянд, коркарди пахта дар ин коргоҳҳо ба талаботи ҷаҳонӣ ҷавобгӯ набуд, аммо соҳибкорон ба ин розӣ нестанд.
Дар вилояти Хатлон 1800 корманди давлатиро ба хонаҳои мардум фиристодаанд, то бо сокинон дар бораи либоси миллӣ ва ҷалби ҷавонон бо артиш суҳбат кунанд. Мунтақидон ин корро дахолат ба ҳарими шахсии мардум медонанд.
"Маъракаи фаҳмондадиҳӣ ва ё меҳмонии нохонда дар вилояти Хатлон". Тафсилот аз Маҳмудҷон Раҳматзода.
Дастаи футболи Файзканд дар ноҳияи Восеъ, ки имсол ба Лигаи олии футболи Тоҷикистон роҳ наёфт, эҳтимол соли охири ҳузураш дар саҳнаи футболро пушти сар мекунад.Чаро?
Дар Данғара, зодгоҳи президенти Тоҷикистон, сохтмони биноҳои маъмурӣ афзоиш ёфтааст. Чанд сол хабаре нашр шуда буд, ки эҳтимол Данғара маркази вилояти Хатлон шавад. Дар матбуот ҳам пешниҳод шуда буд, ки аз нигоҳи ҷуғрофӣ Данғара беҳтарин маркази маъмурӣ барои вилояти Хатлон аст. Дар асл чӣ?
Нархи молу маҳсулот дар бозори назди марзи Тоҷикистон бо Афғонистон дар ноҳияи Шамсиддин Шоҳин боло рафтааст.
Мақомот дар ҷануби Тоҷикистон мардеро, ки ба фиреби ду ҷавони нобино гумонбар аст, дар дохил ва берун аз кишвар ҷустуҷӯ дорад. Ин мард мошини ду бародари нобиноро гирифта, беш аз 5 ҳазор долларашонро напардохтааст. Ҳоло дигар на аз мошин хабар асту на аз марде, ки бо баҳонаи харидан онро рабудааст.
Хукҳои ваҳшӣ дар марзи Тоҷикистон бо Афғонистон даҳҳо ҳектор заминҳои кишту полезиҳои деҳқононро хароб кардаанд.
Хукҳои ваҳшӣ, ки саршуморашон дар минтақаи Кӯлоб зиёд шудааст, кишоварзонро ба дод овардаанд. Имсол ҳамлаи лашкари бузурги гурозҳо ба зироату киштзорҳои мардум зиёд шудааст ва деҳқонон ҳам ба сахтӣ ба онҳо муқовимат мекунанд.
Шаҳри Норакро аксаран бо нерӯгоҳи машҳураш мешиносанд. Аз соли 2015 гирифта, таваҷҷӯҳ ба гардишгарии дохиливу хориҷӣ дар ин шаҳр бештар шуд. Обанбори он ба ҷойи қаиқронӣ ва оббозӣ табдил ёфтааст. Аммо раиси ноҳия дар як нишасти хабарӣ аз сайёҳони дохилӣ шиква кард.
Фотима Раҳмонова, сокини деҳаи Кӯчабоғи ноҳияи Восеъ, се моҳ боз дар ҳавлияш, дар рӯйи замин мехобад. Сел дар моҳи майи имсол ниме аз хонаи ӯро вайрон кард. Мегӯяд, ҳар боре нигоҳаш ба сақфу деворҳои чаппашуда меуфтад, ҷигараш хун мешавад, аммо тавони бозсозии онҳоро надорад.
Нишасти матбуотӣ дар Идораи ҷавонон ва варзиш дар минтақаи Кӯлоб. Суҳбат на дар бораи ҷавонон аст, на пешрафту душвории варзишгарон. Сухан аз мушкили масъулон ва кормандони ҳамин идора аст. Мегӯянд, чор моҳ боз ба ҷуз маош, харҷпулиро барои таъмири бино ва харидани варақу ашёи дигар нагирифтаанд.
Қалъаи машҳури "Мири Балҷувон"-ро дар ноҳияи ҳамномаш дар вилояти Хатлон аз нав сохтанд. Номаш ҳам нав шуд. "Қалъаи Балҷувон", бидуни "Мир".
Мақомоти Тоҷикистон як макони таърихӣ дар ноҳияи Балҷувонро бозсозӣ мекунанд, ки қаблан бо номи “Қалъаи мири Балҷувон” маъруф буд. Раиси ноҳияи Балҷувон мегӯяд, баъдӣ навсозӣ номи мирро аз қалъа гирифта, онро танҳо қалъаи Балҷувон меноманд. Дар замони Шӯравӣ аз ин қалъа тақрибан нишоне намонда буд.
Аммо дар Душанбе масъулини Вазорати молия ва ҳам Кумитаи андоз аз барзиёд иҷро шудани нақшаи буҷаи кишвар тавсиф мекунанд.
Мақомоти расмӣ дар ноҳияи Восеъ сабаби марги як кӯдаки 5-сола ва як навраси 11-соларо маълум кардаанд. Ҷамшед Шарифзода, раиси ноҳия, дар оғози моҳи август ва дар нишасти хабарӣ гуфт, марги фоҷиавии Иброҳимҷон Қосимӣ ва Абӯбакр Аламшоҳ аз моддаҳои кимиёвии кушанда буд.
Бо вуҷуди фаро расидани моҳи севуми тобистон, обанбори нерӯгоҳи "Норак", манбаи асосии тавлиди барқ дар Тоҷикистон, ба қадри кофӣ аз об пур нашудааст. Дар моҳҳои феврал-марти имсол камбуди ҷиддии барқ пеш омад ва мақомот сабаби онро кам шудани об дар ҳамин обанбор гуфта буданд.
Чаро то ҳол дар Норак оби зарурӣ ҷамъ нашудааст ва пайомади он чӣ хоҳад буд?
Ёфтҳои бештар
