ТАРҲҲО

Хабари нав

Хуршеди Ҳамдам

AndamovK@rferl.org

Матолиби Хуршеди Ҳамдам

декабр 10, 2010
Созиши "Чаҳоргонаи зидди маводи мухаддир"

Русия, Афғонистон, Тоҷикистон ва Покистон бо имзои санаде, «Чаҳоргонаи зидди маводи мухаддир"-ро ташкил карданд. Ин дар ҳолест, ки Тоҷикистон пайваста таъсиси камарбанди амниятӣ дар атрофи Афғонистонро тақозо мекард
декабр 08, 2010
Интиқоди Тоҷикистон аз шеваи баҳодиҳии САҲА

Масъулини Кумиссиюни марказии интихоботи Тоҷикистон дар посух ба гузориши интиқодии ODIHR, ё Дафтари ниҳодҳои демократӣ ва ҳуқуқи инсони САҲА хостори баҳогузории дақиқ ва ягона ба интихоботҳо шуданд. ODIHR интихоботи парлумонии Тоҷикистонро муғоир ба меъёрҳои демократӣ номидааст.
декабр 07, 2010
Мурофиаи додгоҳии "Миллат" боз ба таъхир уфтод

Мурофиаи додгоҳии ҳафтаномаи «Миллат» рӯзи сешанбе дар додгоҳи ноҳияи Фирдавсии пойтахт аз сар гирифта шуд. Аммо қозии парванда ба ҷонибҳо - ҳафтаномаи «Миллат» ва вазорати кишоварзӣ барои ироаи маводу даллелҳои лозим то 15 декабр фурсат дод.
декабр 06, 2010
Чопи «Имрӯз News» аз сар гирифта шуд

«Имрӯз News», танҳо рӯзнома дар Тоҷикистон пас аз ду ҳафтаи аз нашр бозмондан, имрӯз душанбеи 6 -уми декабр дубора ба дасти хонандагон расид. Масъулони нашрия мегӯянд, акнун «Имрӯз News» ба сурати муназзам, ҳафтае панҷ маротиба нашр хоҳад шуд
декабр 03, 2010
Э. Раҳмон: Баъди ду сол аз бунбаст раҳо хоҳем шуд

Эмомалӣ Раҳмон, раисиҷумҳури Тоҷикистон, гуфтааст, ки кишвар пас аз ду сол Тоҷикистон аз бунбасти коммуникатсионӣ берун хоҳад шуд. Ӯ ин матлабро зимни суханронӣ дар форуми рушди Тоҷикистон баён кардааст.
декабр 03, 2010
Таваҷҷӯҳи давлати Тоҷикистон ба мушкили қочоқи инсон

Дар ҳоле, ки ҷомеаи ҷаҳонӣ аз Рӯзи байналмилалии мубориза алайҳи ғуломӣ ёд мекунад, таҳлилгарони тоҷик мегӯянд, мушкили қочоқи инсон тайи солҳои ахир нигарониҳои ҷиддии давлат ва ҷомеаи Тоҷикистонро ба бор овардааст.
декабр 01, 2010
Кумакхоҳии рӯзноманигорони тоҷик аз Нурсултон Назарбоев

Масъулини чанд расонаи мустақил ва созмони рӯзноманигории Тоҷикистон рӯзи чаҳоршанбе дар назди бинои сафорати Қазоқистон дар шаҳри Душанбе ҷамъ омада, бо ироаи номаи нигаронии худ аз вазъи озодии матбуот дар Тоҷикистон хостори кӯмаки САҲА шудаанд.
ноябр 26, 2010
Путин ва Раҳмон пушти дарҳои баста чӣ гуфтанд?

Масоили ҳифзи марзи Тоҷикистон бо Афғонистон ва ҳамкориҳои энержӣ аз мавзӯъҳои меҳварӣ дар мулоқоти якбаяки раисиҷумҳури Тоҷикистон Эмомалӣ Раҳмон бо нахуствазири Русия Владимир Путин унвон мешавад, ки зӯҳри имрӯз дар шаҳри Душанбе пушти дарҳои баста сурат гирифт.
ноябр 25, 2010
Анҷоми нишасти Созмони ҳамкориҳои Шанхай

Нишасти сарони ҳукуматҳои кишварҳои узви Созмони ҳамкориҳои Шанхай, ки бо ширкати Русия, Чин, Тоҷикистон, Қазоқистон, Қирғизистон ва Узбакистон ҷараён дошт, рӯзи панҷшанбеи 25 ноябр бо имзои эъломияи муштарак дар шаҳри Душанбе, пойтахти Тоҷикистон ба поён расид.
ноябр 24, 2010
Карим Масимов: "Баҳси оби минтақа ҳассос аст"

Сафари расмии Карим Масимов, нахуствазири Қазоқистон ба Тоҷикистон бо имзои як санади ҳамкорӣ дар заминаи туризм ва ифтитоҳи Сандуқи сармояҳои мустақими ду кишвар ба поён расид.
ноябр 24, 2010
Кушта шудани боз ду тан аз ҷангиён дар Рашт

Хабари кушта шудани ду тани дигар аз ҷангиёни гурӯҳи шӯришӣ дар водии Рашт, ки бо пахши наворе аз тариқи телевизиони давлатӣ нашр шуд, бори дигар ҳаводиси дараи Камаробро пеши назари тамошобин ҷилвагар намуд.
ноябр 22, 2010
Даъвати Путин аз Тоҷикистону Қирғизистон

Дар нишасти ахири Шӯрои байнидавлатии АврОсиё, аз Тоҷикистон ва Қирғизистон даъват шуд, то барои пайвастан ба ин созмон толоши бештаре кунанд. Ин ду кишвари Осиёи Миёнаро Владимир Путин, нахуствазири Русия бари ҳар чи зудтар шомил шудан ба Иттиҳоди гумрукӣ даъват намудааст.
октябр 15, 2010
Инқилоби интихоботӣ дар «ҷазираи демократия»

Интихоботи порлумонии Қирғизистон, ки бо рақобати 29 ҳизби сиёсӣ сурат гирифт, дар ниҳоят танҳо ба панҷ ҳизб имкон дод то вориди порлумон шаванд. Мизоне, ки дар ҳеҷ як аз интихоботҳои Осиёи Миёна ва ҳатто кишварҳои собиқи Шуравӣ ба мушоҳида нарасидааст.
октябр 14, 2010
Талошҳои таъсиси эътилоф дар порлумони Қирғизистон

Дар Қирғизистон пас аз баргузории интихобот, талошҳо барои таъсиси эътилоф миёни аҳзоби шомилшуда ба порлумон шурӯъ шудааст. Зеро аз панҷ ҳизби сиёсӣ, ки сади панҷдарсадиро убур кардаанд, ҳеҷ кадом мизони кофии раъйҳоро ба даст наовардааст.
октябр 12, 2010
Вокуниши Тоҷикистон ба интихоботи Қирғизистон

Интихоботи порлумонии Қирғизистон пас аз ҳаводиси хунини Ӯшу Ҷалолобод, мавриди таваҷҷӯҳи ҷиддии кишварҳои ҳамсоя қарор дорад. Зеро Қирғизистон дар пайи ин раъйгирӣ нахустин кишвари дорои низоми порлумонӣ дар Осиёи Марказӣ хоҳад шуд.
октябр 09, 2010
Баррасии вазъи ҳуқуқи башари Тоҷикистон дар Варшава

Намояндагони Тоҷикистон дар ҳамоиши байнулмилалии ҳуқуқи башар дар Варшава гуфтаанд, Тоҷикистон мавзӯи аз байн бурдани ҷазои ҳукми қатл дар ин кишварро мавриди омӯзиш қарор дода, ба ин манзур як гурӯҳи вижаи корӣ созмон додааст.
октябр 08, 2010
Ислом Каримов: «Талаб мекунем, то як грамм обро кам накунанд»

Ислом Каримов, раисиҷумҳури Узбакистон, дар мулоқот бо мардуми Қароқалпоқистон тарҳи нерӯгоҳи Роғунро монеаи аслӣ барои обёрии заминҳои кишоварзӣ дар Узбакистон "аҳмақона" унвон кард.
октябр 07, 2010
Боздошти фаъолияти Иттиҳодияи тоҷикистониёни Русия

Додгоҳи олии Русия дар канори Конгресси яҳудиҳо ва Анҷумани миллӣ - фарҳангии украинҳо, фаъолияти Иттиҳодияи тоҷикистониёни Русияро низ мутаваққиф кард ва барои ислоҳи камбудиҳо ба ин созмон ду ҳафта мӯҳлат додааст.
октябр 06, 2010
Истиқрори русҳо дар марзи ҷанубии Қирғизистон

Русия 40 нафар аз мушовирони идораи марзбонии худро дар вилояти Ӯш, дар ҷануби Қирғизистон мустақар хоҳад кард. Ин тасмим дар пайи музокироти роҳбарони ниҳодҳои марзбонии Русия ва Қирғизистон дар Бишкек гирифта шуд.Тибқи ин тавофуқ, марзбонони рус бо ҳамтоёни қирғизашон дар марз бо Тоҷикистон ва Узбакистон ҳамкорӣ хоҳанд дошт.
октябр 02, 2010
Тарҳи буҷа барои соли оянда пазируфта шуд

Ҳукумати Тоҷикистон тарҳи буҷаи давлатӣ барои соли 2011-ро пазируфта ва барои баррасӣ ба порлумон фиристодааст. Бино ба иттилои расмӣ, ҳаҷми буҷаи соли оянда 8 миллиарду 300 миллион сомонӣ, муодили 2 миллиард доллар, пешбинӣ шудааст.

Ёфтҳои бештар

Бозгашт ба оғоз

XS

SM

MD

LG