Аз ин шумора, ба иттилои Омбудсмен, 8 маврид худкушӣ буда, “6 нафар аз беморӣ фавтиданд”.
"Дар натиҷаи вайрон кардани қоидаҳои муносибат 109 сарбоз ҷароҳатҳои гуногуни ҷисмонӣ бардошта, ду нафари онҳо ба ҳалокат расиданд,” – гуфта шудааст дар гузориши солонаи Омбудсмен.
Ин гузориш вазъро дар соли 2023 дар бар мегирад ва чанде пеш нашру дастрас шуд.
Радиои Озодӣ дар соли 2023 дар бораи марги камаш 5 сарбоз хабар дода буд. Наздикони ҳамаи онҳо мегуфтанд, ки ба табиӣ будани марги фарзандони худ бовар надоранд ва хоҳони таҳқиқ ҳастанд.
Ваколатдори ҳуқуқи инсон мегӯяд, дар пайванд ба марги сарбозон 12 парвандаи ҷиноӣ боз шуда, 9 қазия барои баррасӣ ба додгоҳ фиристода шуд. Натиҷаи онҳо маълум нест.
